قصيدة ضحكة عيونك

استعرض الموضوع السابق استعرض الموضوع التالي اذهب الى الأسفل

قصيدة ضحكة عيونك

مُساهمة  أحب أضوجك في الخميس يونيو 30, 2011 3:56 pm

[center]ضحكة عيونك


تجي من بعيد تمشي عيونك انت وياي
ليش إكَبال عيني تنزل عيونك؟

وانا بكَلبي أكَلك ياهله بملكَاك
واسمعك من تكَلي بكَلبك شلونك


إمأمن بالخجل ماتحجي من تفوت
يمتى الله الخجل يم بابنه يخونك


ولأن مرتين بابي يشوفك بكل يوم
كَمت أحسد الباب وكَتله خيعونك


سامع بيك كَالوا تِضوي جنك نار
وكَالوا للشمس منطين من لونك


ماصدكَت..شفتك صدكَت من كَال
ماتسوه الشمس فلسين من دونك


يل مرهدن بمشيك يا لذيذ الروح
يمحير عقل كل اليشوفونك


خطواتك فرح والدنيا موسم موت
وانت بأزمة جاي وما يهدونك


طعم بي شوف وجهك لا تمر عالناس
جوعانة عيون وخاف يكَضونك


لأنك مو مثل كلمن مشه اعله الكَاع
ولاوصفك سهل لمن يوصفونك


من ضحكة عيونك شفنا وجه العيد
جآآ شنشوف لمن تضحك سنونك ؟؟


ومايحتاج تخفي وانت واضح ذآآك
من إجلادك فهمت اشيعنى مضمونك


هاوي ومستحي ومحتار يبن الناس
واهلك مو مثل متريد يردونك

غالي ومانريد إندكّ عليك الباب
عند أهلك كنز مو سهله ينطونك

يل عاشكَ فقرنا..إشعاجبك بالعوز؟؟
ماعدهم اهلنا وبيش يشرونك


ماكَلهم احبك خاف اجيب العين
عليك ومو علَيْ خايف يحسدونك !!


للمبدع
جبار رشيد

أحب أضوجك

عدد المساهمات : 5
تاريخ التسجيل : 26/06/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد

مُساهمة  Admin في الجمعة يوليو 01, 2011 9:11 am

جميل عاشت ايدك Laughing
avatar
Admin
Admin

عدد المساهمات : 24
تاريخ التسجيل : 23/06/2011
العمر : 30
الموقع : العراق

معاينة صفحة البيانات الشخصي للعضو http://aws2011.arabfoot.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى